Alqyzyl qoqiqazdar Jaiyq ózeniniń sol jaq jaǵalaýynda sarqyndy sý quiylatyn «Sasyq sai» býlaný alańyna qondy, - dep habarlaidy "Ult aqparat" Óńirlik kommýnikatsiialar qyzmetine silteme jasap.
Mamandardyń aitýynsha, qyzyl kitapqa engen qustardyń qalanyń dál osy jerin tańdaýyna sebep kóp.
"Qazirgi ýaqytta «Sasyq sai» jáne «Kvadrat» býlaný alańdaryn qalpyna keltirý jumystary júrip jatyr. Budan bólek, qalanyń sol jaǵalaýyndaǵy kárizdik tazartý qondyrǵysynyń qurylysy aiaqtaldy. Bul aimaqtyń ekologiialyq jaǵdaiynyń jaqsarýyna kómektesedi. Bul jerde qoqiqazdarǵa qorek bolatyn usaq shaiantárizdiler bar dep boljaýǵa bolady", - dedi sol jaǵalaý káriz tazalaý qurylys basshysy Baýyrjan Ahmet.
Búgin de qalanyń sol jaǵalaýyndaǵy sarqyndy sýlardy tazartý jumystary júzege asyrylýda. Sol jaq jaǵalaýdaǵy úilerdiń káriz sýy káriz tazalaý qurylysyna (Levyi KOS) barady. Odan soń tazartylǵan sýdy býlaný alańyna jiberedi. Onyń bir kúnde 70 myń tekshe metr sýdy tazartýǵa múmkindigi bar.
