Atyraýǵa shetelden ushyp kelgen 240 jolaýshydan koronavirýs infektsiiasy tabylmady, dep habarlaidy "Ult aqparat".
Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, 26 qazan - 1 qarasha aralyǵynda «Ystanbul-Atyraý», «Amsterdam-Atyraý» baǵytymen 3 halyqaralyq aviareis ushyp kelgen.
«Halyqaralyq áýe reisterimen 240 jolaýshy keldi. Olardyń arasynda 4 jolaýshyda koronavirýs infektsiiasyna PTR-test anyqtamasy bolmady. Sondyqtan, olar karantindik statsionarlarǵa jatqyzyldy. Alaida, barlyq jolaýshydan koronavirýs infektsiiasyna synama alyndy», - dep habarlady departamenttiń baspasóz qyzmetinen.
Zertteý nátijesinde jolaýshylardyń eshbirinen qaýipti infektsiia tabylǵan joq. Sol sebepten, jolashylar úilerine jiberilgen.
