Atyraý qalasynan jolaýshylar poiyzynyń jol júrýi ýaqytsha toqtatylady, dep habarlaidy "Ult aqparat" «Jolaýshylar tasymaly» AQ baspasóz qyzmetine silteme jasap.
Memlekettik komissiianyń 2 shildedegi sheshimine, bas memlekettik sanitar dárigerdiń 3 shildedegi №44 qaýlysyna sáikes jáne QR Indýstriia jáne infraqurylymdyq damý ministrliginiń haty negizinde jańa sheshim qabyldandy.
«Atyraý - Nur-Sultan Nurly jol» baǵytyndaǵy №47/48 jolaýshylar poiyzy 13 shildeden bastap - Atyraýdan, 15 shildeden bastap - Nurly joldan jol júrýin ýaqytsha toqtatady. Atalǵan poiyzǵa buryn bilet alǵan jolaýshylar qujatyn qaitaryp, aqshalai qarajatty tolyq kólemde ala alady. Bilet aqshasyn qaitarý qolma-qol jáne qolma-qol aqshasyz esep aiyrysý arqyly júrgiziledi» delingen habarlamada.
Jolaýshy poiyzdarynyń qozǵalys kestesi boiynsha barlyq aqparatty «105» nómirine habarlasyp bilýge bolady.
Ulttyq tasymaldaýshy jolaýshylardan qabyldanǵan sharalarǵa túsinistikpen qarap, koronavirýs pandemiiasynyń taralý kezeńinde sanitarlyq-epidemiologiialyq talaptardy saqtaýdy suraidy.
