Atyraý qalasyndaǵy avtobeketten aýdanaralyq, qalaaralyq, halyqaralyq baǵytqa qatynaityn avtobýstar toqtatyldy, dep habarlaidy "Ult aqparat".
Atyraý avtobeketiniń direktory Vadim Sinkeevichtiń aitýynsha, osy kezge deiin 6 baǵytqa 14 reis qatynaǵan. Endi Atyraý-Astrahan, Atyraý-Beineý, Atyraý-Oral, Atyraý-Maqat, Atyraý-Inder, Atyraý-Qulsary baǵytyna jolaýshy tasymaldaityn avtobýstardyń júrisi toqtatyldy. Sońǵy reis 28 naýryzda Atyraýdan Maqatqa ǵana júrgen.
«Avtobýstardyń syiymdylyǵy –50 adam. Tótenshe jaǵdai jariialanǵannan keiin jolaýshylar sany 2-3 adamnan aspady» -deidi Vadim Sinkeevich.
