Atyraýdaǵy ýniversitet ujymy «Qazaqstan halqyna» qoryna bir kúndik jalaqysyn aýdardy, dep habarlaidy QazAqparat.
Memleket basshysynyń tapsyrmasymen «Qazaqstan halqyna» qoǵamdyq áleýmettik qory quryldy. S.Ótebaev atyndaǵy Atyraý munai jáne gaz ýniversitetiniń ujymy atalǵan qorǵa bir kúndik jalaqylaryn aýdarýǵa sheshim qabyldady.
«Qorǵa aýdarylǵan qarjy azamattardyń densaýlyq, bilim, áleýmettik qoldaý, mádeniet jáne sport salalaryndaǵy máselelerin sheshýge baǵyttalady. Sonymen qatar, zardap shekken adamdarǵa kómek kórsetiledi. Al, qinalǵan janǵa kómek berý – barshamyzdyń áleýmettik jaýapkershiligimiz. «Kúshimiz – birlikte» deitin bolsaq, osyndai naqty sharalar arqyly bir-birimizge kómektese alamyz. Prezident tapsyrmasymen qurylǵan qor áleýmettik qoldaý baǵytyndaǵy problemalardy sheshýge, qoǵamdy biriktirýge yqpal etedi degen senimdemiz», - deidi ýniversitettiń rektory Gúlzada Shakýlikova.
