Atyraýda áielin óz qyzynyń kózinshe qyzǵanyshtan aiaýsyz óltirgen 63 jastaǵy qala turǵyny 15 jylǵa bas bostandyǵynan aiyryldy, dep habarlaidy ult.kz.
Qaiǵyly oqiǵa 2026 jyldyń 16 naýryzyna qaraǵan túni oryn alǵan. Sot barysynda er adamnyń bul qylmysty erekshe qatigezdikpen jasaǵany dáleldendi. Ol 12 jasar qyzynyń shyryldap toqtaýdy ótingen jalynyshyna qulaq aspastan, jubaiyna 11 jerden pyshaq suqqan. Odan keiin qylmys izin jasyrmaq bolyp ústindegi qandy jýyp, kiimin aýystyrǵan jáne sodan keiin ǵana oqiǵa ornyna politsiia qyzmetkerlerin shaqyrtqan.
Sot zalynda aiyptalýshy óz kinásin tolyqtai moiyndady. Sot úkim kesý barysynda qylmysty jeńildetetin faktorlardy, atap aitqanda, sottalýshynyń egde jasyn, densaýlyq jaǵdaiyn jáne istegen isine ókinetinin eskerdi. Degenmen, qylmystyń tym aýyrlyǵy, ásirese kisi óltirý oqiǵasynyń jas balanyń kózinshe jasalǵany basty nazarǵa alyndy.
