Atyraýdaǵy perinataldyq ortalyqta jumys isteitin 31 meditsina qyzmetkeri ketkeli jatyr, dep habarlaidy "Ult aqparat".
«Qazirgi tańda oblystyq perinataldyq ortalyqtyń 31 qyzmetkeri jumystan ketý týraly ótinish jazǵan. Olarmen densaýlyq saqtaý basqarmasy, ministrlik jáne kásipodaq uiymdarynyń ókilderi jumys júrgizip jatyr. Qyzmetkerler óz ornynda jumysyn jalǵastyrýda. Biz dárigerlermen dialog ornatý úshin qoldan kelgenniń bárin jasap jatyrmyz. Olardyń árqaisysy – kún saiyn adam ómiri úshin kúresip júrgen bilikti qyzmetkerler», - dep málim etti Atyraý oblysy ákiminiń baspasóz hatshysy Serikjan Ermentaev.
Eske sala keteiik, ótken aptada Sybailas jemqorlyqqa qarsy qyzmet jańa týǵan sábidiń ólimine, sondai-aq, jemqorlyq qylmystar boiynsha kúdikti Atyraý oblystyq perzenthanasynyń bas dárigerine qatysty istiń mán-jaiyn baiandady.
Senbi kúni Atyraý oblysyna QR Densaýlyq saqtaý vitse-ministri bastaǵan respýblikalyq densaýlyq saqtaý uiymdarynyń mamandary keldi. Olar oblystyq perinataldyq ortalyqtyń dárigerlerine kómek kórsetedi.
