Atyraý oblysynyń dárihanalaryna 100 myń dana meditsinalyq maska jetkiziledi, dep habarlaidy "Ult aqparat".
Bul týraly Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Amantai Jumaǵaliev málim etti.
«Qazir Atyraý oblysyndaǵy dárihanalarda 21 800 dana meditsinalyq bir rettik maska bar. Buǵan qosymsha «Medfarm import» JShS 100 myń dana kóp ret qoldanatyn betperde alý úshin «QazTehIndýstriia» kompaniiasymen kelisimshart jasady. Atyraýǵa meditsinalyq maska jaqynda jetkiziledi», - dedi Amantai Jumaǵaliev.
