- Atyraý bankomattarynyń birinen qolma-qol aqsha shyǵarý kezinde nominaly eki myń teńge bolatyn arnaiy «para» degen belgisi bar aqsha shyqqan. Jazý qalypty jaryqta kórinbeidi, alaida ýltrakúlgin apparaty arqyly teksergende «vziatka» sózi taiǵa tańba basqandai jazýly tur, dep jazdy «Aq Jaiyq».
«Bankomattan aqsha alǵansha ámiianymda on myńdyq jáne bes myńdyqtardyń bolǵanyn anyq bilemin jáne bankomattan eki myń teńge, myń teńgelik usaq aqshalarmen on myń teńge aldym. Qatelesýim múmkin emes, telefonyma aqsha alynǵany týraly habarlama da kelgen», - dep túsindirdi belgisi bar aqshany alǵan er adam.
«Qazaqstan ulttyq banki» RMM Atyraý filialy qolma-qol aqsha jáne kassalyq operatsiialarmen jumys jónindegi ekonomikalyq bóliminiń bas mamany Áigerim Beisenǵalieva aqsha ainalymynda mundai banknottyń júrmeitinin aitty.
«Ulttyq banktiń №477 qaýlysymen bekitilgen ulttyq valiýta banknottary men tiyndarynyń tólem qabilettiligin anyqtaityn erejeler bar. Ýltrakúlgin sáýlesimen kórinetin bóten jazýy bar banknottar tozdy dep tanylady jáne ainalymnan shyǵarylady», - dedi ol.
Basylymnyń jazýynsha, kýpiýrany quqyq qorǵaý organdary operatsiia júrgizýge qoldanýy múmkin. Biraq, mundai banknottar Ulttyq bankke berilýi tiis edi, kýpiýranyń ainalymǵa qalai túskeni belgisiz.
