Foto: Mýhtor Holdorbekov/Kazinform
Shildede Atyraýdaǵy 4 jasar bala «Chebýrashka» balabalabaqshanyń káriz qudyǵyna qulap, mert bolǵan edi. Osy iske bailanysty balabaqshanyń direktory men tárbieshisi úiqamaqqa alynǵan bolatyn, dep habarlaidy «Ult aqparat» Kazinform-ǵa silteme jasap.
Atyraý oblystyq kámeletke tolmaǵandar isteri jónindegi mamandandyrylǵan aýdanaralyq sotynda atalǵan oqiǵaǵa kánililerge qatysty qozǵalǵan qylmystyq is qaraldy. Aiyptalýshylar S. men D.-ǵa QR Qylmystyq kodekstiń 141-babynyń 2-bóligimen aiyp taǵylǵan.
«Sottalýshy S. 2023 jylǵy 21 mamyrda ruqsat qujattaryn alyp, óz atyna «D» jeke kásipkerligin tirkegen. Sodan keiin «Chebýrashka» kvazimemlekettik balabaqshasyn ashý úshin sol jylǵy 26 mamyrda Atyraý qalasynan eki qabatty ǵimaratty jalǵa alǵan.
Al, 2023 jylǵy 7 shildede balabaqsha direktorynyń buiryǵymen D. top tárbieshisi qyzmetine jumysqa alynǵan. Fýnktsionaldyq mindetteri boiynsha sottalýshylar balalardyń ómiri men qaýipsizdigi úshin jaýapty bolǵan. 2023 jylǵy 1 qarashada 2020 jyly týǵan M. sottalýshy D.-nyń tobyna qabyldanǵan. Biylǵy 10 shildede saǵat 10:45 shamasynda S. jáne D. ózderiniń fýnktsionaldyq mindetterin tiisinshe oryndamai, M.-ny qaraýsyz qaldyrǵan. Nátijesinde M. káriz qudyǵyna qulap, qazaǵa ushyraǵan», - dep habarlady atalǵan sottan.
Osy iske bailanysty prokýror sottalýshylarǵa pedagogikalyq laýazymdardy jáne kámeletke tolmaǵandarmen jumys isteýmen bailanysty laýazymdardy atqarý quqyǵynan 3, al, bas bostandyǵyn 3 jyl merzimge bas bostandyǵynan aiyrý jazasyn taǵaiyndaýdy usyndy. Kinálaryn moiyndaǵan sottalýshylar jáne olardyń qorǵaýshylary bas bostandyǵynan aiyrmaýdy surady. Sottalýshylardyń kinálary oqiǵa bolǵan jerdi qaraý hattamalarymen, fotokestelermen, kýálardyń aiǵaqtarymen, bettestirý hattamalarymen jáne basqa da is materialdarymen dáleldengen.
Sot jazany jeńildetetin mán-jai retinde mynadai jaittardy eskerdi. Máselen, S.-nyń kinásin moiyndaýyna, otbasylyq jáne densaýlyq jaǵdaiyna nazar aýdardy.
Al, D.-nyń kinásin moiyndaǵany, asyraýynda kámeletke tolmaǵan balalary bary eskerildi.
Sottalýshylar aiyp taǵylǵan bappen kináli dep tanyldy. Olarǵa pedagogikalyq jáne kámeletke tolmaǵandarmen jumys isteýmen bailanysty laýazymdardy atqarý quqyǵynan 3 jylǵa, bas bostandyǵyn 2 jyl 6 ai merzimge aiyrý jazasy taǵaiyndaldy.
«QR Qylmystyq kodeksiniń 63-babyn qoldanylyp, jaza shartty túrde taǵaiyndaldy. Belgilengen jazanyń barlyq merzimine probatsiialyq baqylaý belgilendi», - dep málim etti sottan.
Sot úkimi zańdy kúshine engen joq.
Eske sala ketelik, budan buryn Atyraýda 4 jasar bala balabaqshanyń káriz qudyǵyna qulap, mert bolǵanyn jazǵan edik.
Keiin osy oqiǵaǵa bailanysty balabaqsha direktory men tárbieshi úiqamaqta otyrǵanyn habarladyq.
