Atyraý oblysynda jylqyshynyń ólimine qatysy bar ekinshi kúdikti ustaldy, dep habarlaidy "Ult aqparat".
Buǵan deiin politsiia qyzmetkerleri Jylyoi aýdanynda jylqysyn izdeýge shyǵyp, iz-túzsiz joǵalyp ketken jylqyshynyń óli denesin tereń shuńqyrdan tapqan edi. Atalǵan derekke qatysty buryn sottalǵan 38 jastaǵy kúdikti ustalǵan bolatyn.
«Kúdiktige qatysty júrgizilgen tekserý kezinde 16-shy kalibrli myltyq tárkilendi. Qazir QR Qylmystyq kodeksiniń 99-babymen (adam óltirý) sotqa deiingi tergeý júrgizilip jatyr. Birqatar saraptama taǵaiyndaldy. Politsiia qyzmetkerleriniń arnaiy jedel izdestirý sharalarynyń nátijesinde taǵy bir kúdikti anyqtalyp, 1967 jyly týǵan jergilikti turǵyn ustaldy. Jedel-tergeý jumystary jalǵasýda» -dep habarlady oblystyq politsiia departamentiniń baspasóz qyzmeti.
Eske sala ketelik, budan buryn Atyraýda iz-túzsiz joǵalyp ketken jylqyshynyń denesi tereń shuńqyrdan tabylǵan edi. Osy qylmysqa qatysy bar degen kúdikpen Jylyoi aýdanynyń 38 jastaǵy turǵyny ustaldy.
