اتىراۋ وبلىسىندا جىلقىشىنىڭ ٶلٸمٸنە قاتىسى بار ەكٸنشٸ كٷدٸكتٸ ۇستالدى, دەپ حابارلايدى "ۇلت اقپارات".
بۇعان دەيٸن پوليتسييا قىزمەتكەرلەرٸ جىلىوي اۋدانىندا جىلقىسىن ٸزدەۋگە شىعىپ, ٸز-تٷزسٸز جوعالىپ كەتكەن جىلقىشىنىڭ ٶلٸ دەنەسٸن تەرەڭ شۇڭقىردان تاپقان ەدٸ. اتالعان دەرەككە قاتىستى بۇرىن سوتتالعان 38 جاستاعى كٷدٸكتٸ ۇستالعان بولاتىن.
«كٷدٸكتٸگە قاتىستى جٷرگٸزٸلگەن تەكسەرۋ كەزٸندە 16-شى كاليبرلٸ مىلتىق تەركٸلەندٸ. قازٸر قر قىلمىستىق كودەكسٸنٸڭ 99-بابىمەن (ادام ٶلتٸرۋ) سوتقا دەيٸنگٸ تەرگەۋ جٷرگٸزٸلٸپ جاتىر. بٸرقاتار ساراپتاما تاعايىندالدى. پوليتسييا قىزمەتكەرلەرٸنٸڭ ارنايى جەدەل ٸزدەستٸرۋ شارالارىنىڭ نەتيجەسٸندە تاعى بٸر كٷدٸكتٸ انىقتالىپ, 1967 جىلى تۋعان جەرگٸلٸكتٸ تۇرعىن ۇستالدى. جەدەل-تەرگەۋ جۇمىستارى جالعاسۋدا» -دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
ەسكە سالا كەتەلٸك, بۇدان بۇرىن اتىراۋدا ٸز-تٷزسٸز جوعالىپ كەتكەن جىلقىشىنىڭ دەنەسٸ تەرەڭ شۇڭقىردان تابىلعان ەدٸ. وسى قىلمىسقا قاتىسى بار دەگەن كٷدٸكپەن جىلىوي اۋدانىنىڭ 38 جاستاعى تۇرعىنى ۇستالدى.
