Byltyr Atyraýda júz áiel dini kózqarasy úshin óz úilerinde bosanǵan.
Sońǵy kezderi Atyraýda perzenthanaǵa barmai, úide bosanatyndardyń qatary kóbeiip jatyr. Olar dini kózqarastary úshin dárigerlerdiń kómeginen bas tartady eken. Bul týraly Atyraýda ótken Májilistiń áleýmettik-mádeni damý komitetiniń kóshpeli otyrysynda aityldy.
Atyraý oblysynda bala týý kórsetkishi tómendegen. Jáne bala men ana ólimide. Byltyrǵy jyly óńirde 16 556 sábi dúniege kelgen. Onyń 923-i mezgilinen buryn dúnie esigin ashqan. Sondai-aq, óńirde 15 pen 17 jas arasyndaǵy jastardyń júktiligi joiylmai tur. 91 jasóspirim jas ana bolsa, qalǵany (15 adam) túsik jasatqan.
Atyraý oblysy densaýlyq saqtaý basqarmasy basshysy Mánshúk AIMYRZAEVANYŃ aitýynsha, sońǵy kezde "shariǵatqa qaishy" dep perzenthanaǵa barmai, úide bosanatyndardyń sany artqan. Byltyr júz áiel óz úilerinde sábili bolǵan. Olar meditsinalyq qyzmetke dini kózqarastary úshin júginbeidi eken. Budan ózge oblysta dárigerler jetispeidi.
- Bizdegi kóptegen meditsinalyq joǵarǵy oqý oryndary jyl saiyn júzdegen dárigerlerdi daiyndap shyǵady. Alaida, meditsinalyq qyzmetkerler jetispeidi. Ol oqý oryndaryna qyrýar qarajat jumsalady. Biz biýdjetti qabyldaǵanda bunyń bárin kórip otyrmyz, - deidi depýtat Ivan KLIMENKO. Májilismenniń aitýynsha, jastar eńbekaqynyń azdyǵynan dáriger bolýǵa yntaly emes.
