Atyraýda qutqarýshylar joǵalyp ketken eki balanyń ekinshisiniń de denesin sýdan tapty, dep habarlaidy QazAqparat.
Oblystyq TJD baspasóz qyzmetiniń habarlaýynsha, joǵalǵan eki balany izdeý jumystary aiaqtaldy. Ekeýiniń de denesi «Jyly» kanalynan tabyldy.
«Izdeý jumystaryn qurlyqta da, sýda da júrgizdik. Sebebi, balalardyń ápkesi olar shanamen syrǵanaýǵa ketken degen bolatyn. Alaida naqty qaida bet alǵanyn aita almaǵan edi. Izdeý operatsiiasyna 15 qyzmetker, 4 tehnika, 1 qaiyq, 1 TJD kinologiialyq toby, odan bólek 18 politsiia qyzmetkeri men olardyń 4 tehnikasy jumyldyryldy. Juma kúngi ýzdeý jumystary qarańǵy túskende toqtatylǵan edi. Búgin tań atqan soń qaita izdeýdi bastadyq. Birinshi bir balanyń denesin taptyq, keshke qarai ekinshisiniń de denesi tabyldy. Ekeýi de 2010 jyly týǵan» delingen habarlamada.
Aita keteiik, biyl Atyraý óńirinde qys jyly bolyp tur. Sý qoimalarynyń betindegi muz juqa. Óńirde jýyrda ǵana tórt bala batyp ketti. Onyń bireýin qutqarý múmkin bolmady. Bireýi ózi jaǵaǵa shyqty. Ekeýin politseiler qutqaryp qalǵan bolatyn.
