اتىراۋدا قۇتقارۋشىلار جوعالىپ كەتكەن ەكٸ بالانىڭ ەكٸنشٸسٸنٸڭ دە دەنەسٸن سۋدان تاپتى, دەپ حابارلايدى قازاقپارات.
وبلىستىق تجد باسپاسٶز قىزمەتٸنٸڭ حابارلاۋىنشا, جوعالعان ەكٸ بالانى ٸزدەۋ جۇمىستارى اياقتالدى. ەكەۋٸنٸڭ دە دەنەسٸ «جىلى» كانالىنان تابىلدى.
«ٸزدەۋ جۇمىستارىن قۇرلىقتا دا, سۋدا دا جٷرگٸزدٸك. سەبەبٸ, بالالاردىڭ ەپكەسٸ ولار شانامەن سىرعاناۋعا كەتكەن دەگەن بولاتىن. الايدا ناقتى قايدا بەت العانىن ايتا الماعان ەدٸ. ٸزدەۋ وپەراتسيياسىنا 15 قىزمەتكەر, 4 تەحنيكا, 1 قايىق, 1 تجد كينولوگييالىق توبى, ودان بٶلەك 18 پوليتسييا قىزمەتكەرٸ مەن ولاردىڭ 4 تەحنيكاسى جۇمىلدىرىلدى. جۇما كٷنگٸ ۋزدەۋ جۇمىستارى قاراڭعى تٷسكەندە توقتاتىلعان ەدٸ. بٷگٸن تاڭ اتقان سوڭ قايتا ٸزدەۋدٸ باستادىق. بٸرٸنشٸ بٸر بالانىڭ دەنەسٸن تاپتىق, كەشكە قاراي ەكٸنشٸسٸنٸڭ دە دەنەسٸ تابىلدى. ەكەۋٸ دە 2010 جىلى تۋعان» دەلٸنگەن حابارلامادا.
ايتا كەتەيٸك, بيىل اتىراۋ ٶڭٸرٸندە قىس جىلى بولىپ تۇر. سۋ قويمالارىنىڭ بەتٸندەگٸ مۇز جۇقا. ٶڭٸردە جۋىردا عانا تٶرت بالا باتىپ كەتتٸ. ونىڭ بٸرەۋٸن قۇتقارۋ مٷمكٸن بولمادى. بٸرەۋٸ ٶزٸ جاعاعا شىقتى. ەكەۋٸن پوليتسەيلەر قۇتقارىپ قالعان بولاتىن.
