Atyraýda eki kún buryn joǵalǵan 1,5 jasar balanyń denesi septikten tabyldy, dep habarlaidy "Ult aqparat".
Búgin bul derekti oblystyq politsiia departamenti baspasóz qyzmeti rastady.
«Juldyz» shaǵynaýdanyndaǵy úiinen shyǵyp, qaita oralmaǵan balaqai qoqys astyndaǵy septikke túsip ketken.
Kishkentai búldirshindi izdeýge politsiia qyzmetkerlerimen birge, eriktiler, Ulttyq ulan sarbazdary men tótenshe jaǵdai qyzmetiniń mamandary, qyzmettik itter tartylǵan edi. Izdeý jumystary kezinde «Juldyz» shaǵynaýdanynan Besikti aýylyna deiingi eldi mekenderdiń kósheleri tekserilgen. Saiajai ýchaskelerine, qaraýsyz qalǵan ǵimarattarǵa, Jaiyq ózeniniń jaǵalaýyna da sholý jasalǵan. Sondai-aq, arnaiy tehnikamen kárizdik rezervýarlardyń sýy sorylyp, tekserildi.
«Balaqai óz úiiniń aýlasyndaǵy káriz rezervýarynan tabyldy. Rezervýar qoqys astynda bolǵan» - dep habarlady politsiia departamentiniń baspasóz qyzmeti.
Buǵan deiin Atyraýda 1,5 jasar sábidiń joǵalǵanyn, ony izdeýge 50 volonter men 400 erikti qosylǵanyn, sondai-aq dron da qoldanylǵanyn jazǵan edik.
