اتىراۋدا ەكٸ كٷن بۇرىن جوعالعان 1,5 جاسار بالانىڭ دەنەسٸ سەپتيكتەن تابىلدى, دەپ حابارلايدى "ۇلت اقپارات".
بٷگٸن بۇل دەرەكتٸ وبلىستىق پوليتسييا دەپارتامەنتٸ باسپاسٶز قىزمەتٸ راستادى.
«جۇلدىز» شاعىناۋدانىنداعى ٷيٸنەن شىعىپ, قايتا ورالماعان بالاقاي قوقىس استىنداعى سەپتيككە تٷسٸپ كەتكەن.
كٸشكەنتاي بٷلدٸرشٸندٸ ٸزدەۋگە پوليتسييا قىزمەتكەرلەرٸمەن بٸرگە, ەرٸكتٸلەر, ۇلتتىق ۇلان ساربازدارى مەن تٶتەنشە جاعداي قىزمەتٸنٸڭ ماماندارى, قىزمەتتٸك يتتەر تارتىلعان ەدٸ. ٸزدەۋ جۇمىستارى كەزٸندە «جۇلدىز» شاعىناۋدانىنان بەسٸكتٸ اۋىلىنا دەيٸنگٸ ەلدٸ مەكەندەردٸڭ كٶشەلەرٸ تەكسەرٸلگەن. ساياجاي ۋچاسكەلەرٸنە, قاراۋسىز قالعان عيماراتتارعا, جايىق ٶزەنٸنٸڭ جاعالاۋىنا دا شولۋ جاسالعان. سونداي-اق, ارنايى تەحنيكامەن كەرٸزدٸك رەزەرۆۋارلاردىڭ سۋى سورىلىپ, تەكسەرٸلدٸ.
«بالاقاي ٶز ٷيٸنٸڭ اۋلاسىنداعى كەرٸز رەزەرۆۋارىنان تابىلدى. رەزەرۆۋار قوقىس استىندا بولعان» - دەپ حابارلادى پوليتسييا دەپارتامەنتٸنٸڭ باسپاسٶز قىزمەتٸ.
بۇعان دەيٸن اتىراۋدا 1,5 جاسار سەبيدٸڭ جوعالعانىن, ونى ٸزدەۋگە 50 ۆولونتەر مەن 400 ەرٸكتٸ قوسىلعانىن, سونداي-اق درون دا قولدانىلعانىن جازعان ەدٸك.
