Foto: ashyq derekkóz
Atyraý oblysynda qaiyn atasy men enesin óltirdi degen kúdikpen 29 jastaǵy Sultan Sársemáliev halyqaralyq izdeýge jariialandy, dep habarlaidy Ult.kz.
Sondai-aq onyń áieli - marqumdardyń kishi qyzy Aqbaian Muqanǵalieva da iz-tússiz joǵalǵandar qatarynda halyqaralyq deńgeide izdestirilýde.
Politsiianyń málimetinshe, eki adamǵa da halyqaralyq áriptestik jelisi arqyly izdeý baǵyttamalary jiberilgen. Qazirgi ýaqytta kúdiktilerdiń barlyq uialy telefondary óshirýli.
Eske salaiyq, 2025 jyldyń kúzinde Qyzylqoǵa aýdanyna qarasty Jangeldin aýylynda bir otbasynyń tórt múshesi iz-tússiz joǵalǵan. Keiin úi aýlasynan erli-zaiypty Maqsot Qarabalin men Nasipa Óteshqalievanyń máiitteri kómilgen kúide tabyldy. Al olardyń balalary - Meiramgúl Qarabalina men Naýryz Muqanǵaliev áli kúnge deiin tabylǵan joq.
Quqyq qorǵaý organdary qylmysqa ózge adamdardyń qatysy bolýy múmkin degen nusqany da tekserip jatyr. Tergeý jalǵasýda.
