فوتو: اشىق دەرەككٶز
اتىراۋ وبلىسىندا قايىن اتاسى مەن ەنەسٸن ٶلتٸردٸ دەگەن كٷدٸكپەن 29 جاستاعى سۇلتان سەرسەمەليەۆ حالىقارالىق ٸزدەۋگە جارييالاندى, دەپ حابارلايدى Ult.kz.
سونداي-اق ونىڭ ەيەلٸ - مارقۇمداردىڭ كٸشٸ قىزى اقبايان مۇقانعاليەۆا دا ٸز-تٷسسٸز جوعالعاندار قاتارىندا حالىقارالىق دەڭگەيدە ٸزدەستٸرٸلۋدە.
پوليتسييانىڭ مەلٸمەتٸنشە, ەكٸ ادامعا دا حالىقارالىق ەرٸپتەستٸك جەلٸسٸ ارقىلى ٸزدەۋ باعىتتامالارى جٸبەرٸلگەن. قازٸرگٸ ۋاقىتتا كٷدٸكتٸلەردٸڭ بارلىق ۇيالى تەلەفوندارى ٶشٸرۋلٸ.
ەسكە سالايىق, 2025 جىلدىڭ كٷزٸندە قىزىلقوعا اۋدانىنا قاراستى جانگەلدين اۋىلىندا بٸر وتباسىنىڭ تٶرت مٷشەسٸ ٸز-تٷسسٸز جوعالعان. كەيٸن ٷي اۋلاسىنان ەرلٸ-زايىپتى ماقسوت قارابالين مەن ناسيپا ٶتەشقاليەۆانىڭ مەيٸتتەرٸ كٶمٸلگەن كٷيدە تابىلدى. ال ولاردىڭ بالالارى - مەيرامگٷل قارابالينا مەن ناۋرىز مۇقانعاليەۆ ەلٸ كٷنگە دەيٸن تابىلعان جوق.
قۇقىق قورعاۋ ورگاندارى قىلمىسقا ٶزگە ادامداردىڭ قاتىسى بولۋى مٷمكٸن دەگەن نۇسقانى دا تەكسەرٸپ جاتىر. تەرگەۋ جالعاسۋدا.
