Atyraý qalasynda Jaiyq ózeniniń ústindegi kópirdiń biri jabylady, dep habarlaidy "Ult aqparat".
Atyraý qalalyq ákimdigi baspasóz qyzmetiniń málimetine súiensek, 13 tamyzda jóndeý jumystaryna bailanysty «Balyqshy-Jumysker» baǵytyndaǵy kópirde avtokólik qozǵalysyn toqtatý kózdelgen.
«Jóndeý kezinde kópir qurylymynyń deformatsiialyq qosylystaryn demontajdaý jáne aýystyrý, sondai-aq, qozǵalys qaýipsizdigin qamtamasyz etý maqsatynda shuńqyrlardy jamaý josparlanyp otyr. Qaita jańartý jumystaryna bailanysty Qunanbaev kóshesinen bastap «Balyqshy-Zaroslyi» baǵytymen qatynaityn tas jolda avtokólik qozǵalysy toqtatylady. Osy oraida, avtokólik júrgizýshileri qala joldarynda keptelis týdyrmaý úshin qozǵalys baǵytyn aldyn ala josparlaýy qajet» - dep habarlady ákimdiktiń baspasóz qyzmeti.
