Atyraýda Jaiyq ózenindegi balyqtyń qyrylýyna qatysty tergeý amaldary bastaldy, dep habarlaidy "Ult aqparat".
Atyraý MÓZ-diń sý kóteretin stantsiiasy aýmaǵyndaǵy qyrylǵan balyqtyń videosy áleýmettik jelilerde 19 jeltoqsanda paida bolǵan edi. Búgin dál sol aýmaqta mamandar sý synamasyn aldy jáne óli balyqtardy terip aldy.
«Sýdan alynǵan óli balyqtar zerthanaǵa jóneltildi. Mamandardyń qorytyndysynan keiin balyqtyń neden qyrylǵany belgili bolady», - dedi Atyraý aýmaqtyq orman sharýashylyǵy jáne janýarlar álemi bóliminiń bas mamany Aqmaral Qaýkenova.
Atyraý oblysynyń aýmaqtyq orman sharýashylyǵy jáne janýarlar álemi inspektsiiasynyń basshysynyń mindetin atqarýshy Arman Moldashev búgingi brifingte balyqtyń brakonerlik tordan qyrylýy múmkin degen bir boljam aitty. Alaida áleýmettik jelilerge taraǵan videolarda balyqtyń denesinde eshqandai zaqymnyń bolmaýy bul nusqany joqqa shyǵarady.
Arman Moldashev vedomstvonyń mamandary oqiǵa ornynda taǵy bir márte baratynyna ýáde berdi. Balyqtyń qyrylý jaǵdaiyn tergeýge vedomstvoaralyq komissiia jumylatynyn aitqan ol atalmysh komissiianyń ótken jolǵy jaǵdaida da jumys júrgizgenin atap ótti.
Aita ketsek, 2018 jyldyń jeltoqsanynda 110 tonna balyq qyrylǵan edi. Ótken jyly Jaiyqtaǵy balyqtyń ýlanýyna qatysty aiyptalǵan kásiporyn basshylaryna qatysty sot protsesi júrip jatyr. Alaida Jaiyqtaǵy balyqtyń qyrylýyna qatysty naqty aiypty adamnyń kim ekeni belgisiz.
