Jańa kóp qabatty úidiń qurylysy Nursaia yqsham aýdanynda júrgizilýde, dep habarlaidy Atyraý oblystyq Óńirlik kommýnikatsiialar qyzmeti.
Óńirlik kommýnikatsiialar qyzmetinde Atyraý oblystyq jastar saiasaty máseleleri basqarmasynyń basshysy Rollan Quspan qatysýymen baspasóz jiyny ótti. Baiandamashynyń aitýynsha, óńirde jastar saiasaty máseleleri basqarmasy jastarmen qarqyndy jumys jasap, qaiyrymdylyq pen kásipkerlikke qoldaý bildirip, jumysqa ornalasý men turǵyn úi máseleleri boiynsha kómek kórsetip keledi.
«Biylǵy jyly bizde kóptegen ózgerister bar. Stýdentterge qoǵamdyq kólikte júrýge 50% jeńildik berildi, buǵan jergilikti biýdjetten 313,6 mln.teńge bólindi. Budan bólek, osy jazda «Jasyl el» baǵdarlamasy boiynsha 2000 stýdent qamtylady, olarǵa 61 000 teńge kóleminde ailyq tólenedi. Aita ketý kerek, osy jyldyń shilde aiynda jas otbasylarǵa «Jas Otaý» baǵdarlamasy boiynsha 100 páterli kóp qabatty turǵyn úi paidalanýǵa beriledi»,- deidi Rollan Quspan.
Sonymen qatar, Sondai-aq, úkimettik emes uiymdardy memlekettik jastar saiasatyn damytý úshin óńirlik deńgeide sheshimder qabyldaýǵa tartý maqsatynda belsendi jumys júrgizilýde. Memlekettik áleýmettik tapsyrys aiasyndaǵy úkimettik emes jastar uiymdary birqatar áleýmettik mańyzy bar jobalardy iske asyrýda: stýdenttik ózin-ózi basqarýdy damytý, oblystyq Delfii oiyndaryn uiymdastyrý, bos ýaqytyn tiimdi ótkizýdi uiymdastyrý, qyzmetin uiymdastyrý, áleýmettik osal jáne jaǵdaiy tómen jastarmen jumys uiymdastyrý, sybailas jemqorlyqqa qarsy sana qalyptastyrý, buqaralyq sportty nasihattaý jáne sýbmádeniet ókilderiniń áleýetin arttyrý, Astananyń 20 jyldyǵyna arnalǵan is-sharalar keshenin uiymdastyrý jáne t.b.
Munaily óńirde memlekettik baǵdarlamalar da qarqyndy iske asýda.
««Diplommen aýylǵa» baǵdarlamasy boiynsha 32 jas mamanǵa biýdjettik nesie berildi, 125-i bir rettik áleýmettik kómekpen qamtyldy. Jumyspen qamtýǵa bailanysty 2017-2021 jyldarǵa arnalǵan buqaralyq kásipkerlikti damytý jáne ónimdi jumyspen qamtý baǵdarlamasy boiynsha jumys ornynda 2419 jas, onyń ishinde aýyldyq jastardyń 2020 ókili qamtyldy. «Biznes Bastaý» jobasynyń málimeti boiynsha, 1 325 adam kásipkerliktiń negizin úirendi, olarǵa 669.938 million teńge kóleminde mikrokreditter berildi» - deidi Atyraý oblystyq jastar saiasaty máseleleri basqarmasynyń basshysy Rollan Quspan.
