جاڭا كٶپ قاباتتى ٷيدٸڭ قۇرىلىسى نۇرسايا ىقشام اۋدانىندا جٷرگٸزٸلۋدە, دەپ حابارلايدى اتىراۋ وبلىستىق ٶڭٸرلٸك كوممۋنيكاتسييالار قىزمەتٸ.
ٶڭٸرلٸك كوممۋنيكاتسييالار قىزمەتٸندە اتىراۋ وبلىستىق جاستار ساياساتى مەسەلەلەرٸ باسقارماسىنىڭ باسشىسى روللان قۇسپان قاتىسۋىمەن باسپاسٶز جيىنى ٶتتٸ. بايانداماشىنىڭ ايتۋىنشا, ٶڭٸردە جاستار ساياساتى مەسەلەلەرٸ باسقارماسى جاستارمەن قارقىندى جۇمىس جاساپ, قايىرىمدىلىق پەن كەسٸپكەرلٸككە قولداۋ بٸلدٸرٸپ, جۇمىسقا ورنالاسۋ مەن تۇرعىن ٷي مەسەلەلەرٸ بويىنشا كٶمەك كٶرسەتٸپ كەلەدٸ.
«بيىلعى جىلى بٸزدە كٶپتەگەن ٶزگەرٸستەر بار. ستۋدەنتتەرگە قوعامدىق كٶلٸكتە جٷرۋگە 50% جەڭٸلدٸك بەرٸلدٸ, بۇعان جەرگٸلٸكتٸ بيۋدجەتتەن 313,6 ملن.تەڭگە بٶلٸندٸ. بۇدان بٶلەك, وسى جازدا «جاسىل ەل» باعدارلاماسى بويىنشا 2000 ستۋدەنت قامتىلادى, ولارعا 61 000 تەڭگە كٶلەمٸندە ايلىق تٶلەنەدٸ. ايتا كەتۋ كەرەك, وسى جىلدىڭ شٸلدە ايىندا جاس وتباسىلارعا «جاس وتاۋ» باعدارلاماسى بويىنشا 100 پەتەرلٸ كٶپ قاباتتى تۇرعىن ٷي پايدالانۋعا بەرٸلەدٸ»,- دەيدٸ روللان قۇسپان.
سونىمەن قاتار, سونداي-اق, ٷكٸمەتتٸك ەمەس ۇيىمداردى مەملەكەتتٸك جاستار ساياساتىن دامىتۋ ٷشٸن ٶڭٸرلٸك دەڭگەيدە شەشٸمدەر قابىلداۋعا تارتۋ ماقساتىندا بەلسەندٸ جۇمىس جٷرگٸزٸلۋدە. مەملەكەتتٸك ەلەۋمەتتٸك تاپسىرىس اياسىنداعى ٷكٸمەتتٸك ەمەس جاستار ۇيىمدارى بٸرقاتار ەلەۋمەتتٸك ماڭىزى بار جوبالاردى ٸسكە اسىرۋدا: ستۋدەنتتٸك ٶزٸن-ٶزٸ باسقارۋدى دامىتۋ, وبلىستىق دەلفيي ويىندارىن ۇيىمداستىرۋ, بوس ۋاقىتىن تيٸمدٸ ٶتكٸزۋدٸ ۇيىمداستىرۋ, قىزمەتٸن ۇيىمداستىرۋ, ەلەۋمەتتٸك وسال جەنە جاعدايى تٶمەن جاستارمەن جۇمىس ۇيىمداستىرۋ, سىبايلاس جەمقورلىققا قارسى سانا قالىپتاستىرۋ, بۇقارالىق سپورتتى ناسيحاتتاۋ جەنە سۋبمەدەنيەت ٶكٸلدەرٸنٸڭ ەلەۋەتٸن ارتتىرۋ, استانانىڭ 20 جىلدىعىنا ارنالعان ٸس-شارالار كەشەنٸن ۇيىمداستىرۋ جەنە ت.ب.
مۇنايلى ٶڭٸردە مەملەكەتتٸك باعدارلامالار دا قارقىندى ٸسكە اسۋدا.
««ديپلوممەن اۋىلعا» باعدارلاماسى بويىنشا 32 جاس مامانعا بيۋدجەتتٸك نەسيە بەرٸلدٸ, 125-ٸ بٸر رەتتٸك ەلەۋمەتتٸك كٶمەكپەن قامتىلدى. جۇمىسپەن قامتۋعا بايلانىستى 2017-2021 جىلدارعا ارنالعان بۇقارالىق كەسٸپكەرلٸكتٸ دامىتۋ جەنە ٶنٸمدٸ جۇمىسپەن قامتۋ باعدارلاماسى بويىنشا جۇمىس ورنىندا 2419 جاس, ونىڭ ٸشٸندە اۋىلدىق جاستاردىڭ 2020 ٶكٸلٸ قامتىلدى. «بيزنەس باستاۋ» جوباسىنىڭ مەلٸمەتٸ بويىنشا, 1 325 ادام كەسٸپكەرلٸكتٸڭ نەگٸزٸن ٷيرەندٸ, ولارعا 669.938 ميلليون تەڭگە كٶلەمٸندە ميكروكرەديتتەر بەرٸلدٸ» - دەيدٸ اتىراۋ وبلىستىق جاستار ساياساتى مەسەلەلەرٸ باسقارماسىنىڭ باسشىسى روللان قۇسپان.
