Atyraýda jappai tártipsizdikten zardap shekken politseilerdiń biriniń jaǵdaiy áli de aýyr, dep habarlaidy QazAqparat.
Bul týraly onlain brifingide Atyraý oblysy prokýrorynyń orynbasary Abzal Gilim málim etti.
«Qazir jappai tártipsizdik kezinde jaraqat alǵan bir politseidiń jaǵdaiy aýyr. Oǵan kúrdeli ota qajet. Al, zardap shekken ózge qyzmetkerler aýrýhanalardan shyqty», - dedi Abzal Gilim.
Onyń aitýynsha, jappai tártipsizdik kezinde Atyraýda 103 adam zardap shekken. Onyń ishinde 55 politsei, Ulttyq ulannyń 28 qyzmetkeri men qarapaiym 20 turǵyn bar.
Atyraýdaǵy jappai tártipsizdik kezinde politsiianyń 17 qyzmettik avtokóligi, jedel járdemniń 4 kóligi men 1 avtobýs búlingen.
Jalpy, keltirilgen zalal kólemi 168 million teńgeden asqan.
