اتىراۋدا جاپپاي تەرتٸپسٸزدٸكتەن زارداپ شەككەن پوليتسەيلەردٸڭ بٸرٸنٸڭ جاعدايى ەلٸ دە اۋىر, دەپ حابارلايدى قازاقپارات.
بۇل تۋرالى ونلاين بريفينگٸدە اتىراۋ وبلىسى پروكۋرورىنىڭ ورىنباسارى ابزال گيليم مەلٸم ەتتٸ.
«قازٸر جاپپاي تەرتٸپسٸزدٸك كەزٸندە جاراقات العان بٸر پوليتسەيدٸڭ جاعدايى اۋىر. وعان كٷردەلٸ وتا قاجەت. ال, زارداپ شەككەن ٶزگە قىزمەتكەرلەر اۋرۋحانالاردان شىقتى», - دەدٸ ابزال گيليم.
ونىڭ ايتۋىنشا, جاپپاي تەرتٸپسٸزدٸك كەزٸندە اتىراۋدا 103 ادام زارداپ شەككەن. ونىڭ ٸشٸندە 55 پوليتسەي, ۇلتتىق ۇلاننىڭ 28 قىزمەتكەرٸ مەن قاراپايىم 20 تۇرعىن بار.
اتىراۋداعى جاپپاي تەرتٸپسٸزدٸك كەزٸندە پوليتسييانىڭ 17 قىزمەتتٸك اۆتوكٶلٸگٸ, جەدەل جەردەمنٸڭ 4 كٶلٸگٸ مەن 1 اۆتوبۋس بٷلٸنگەن.
جالپى, كەلتٸرٸلگەن زالال كٶلەمٸ 168 ميلليون تەڭگەدەن اسقان.
