Atyraý qalasynda kópqabatty turǵyn úide turatyn zeinetker páterine qoqys qaldyǵyn jinaǵan, dep habarlaidy QazAqparat.
Bul týraly páter iesiniń kórshileri qalalyq ákimdikke hat jazyp, kómek berýdi suraǵan.
«Zeinetker kórshimiz 30 jastaǵy ulymen turady. Kórshimiz kóshedegi qoqysty 13 jyldan beri páterine tasyp keledi. Qoqystyń sasyǵan iisi kireberisten shyǵady. Demalý múmkin emes. «ArnaýlyAvtobaza» JShS-niń qyzmetkerleri kórshimizdiń páterinen tot basqan temirler, tozǵan kiimder men 4 gaz ballonyn shyǵardy» - deidi kórshisi Valentina Sýhoteplaia.
Onyń aitýynsha, páterine qoqys jinaǵan zeinetkerdiń anasy uqypty, tazalyqty jany súietin adam bolǵan. Sol kisi ómirden ótken soń zeinetker kórshisi qoqys jinaýdy bastaǵan.
Atyraý qalalyq turǵyn úi inspektsiiasynyń mamany Aman Latipovtyń pikirine súiensek, páterge zalalsyzdandyrý júrgizý kózdelgen.
