اتىراۋ قالاسىندا كٶپقاباتتى تۇرعىن ٷيدە تۇراتىن زەينەتكەر پەتەرٸنە قوقىس قالدىعىن جيناعان, دەپ حابارلايدى قازاقپارات.
بۇل تۋرالى پەتەر يەسٸنٸڭ كٶرشٸلەرٸ قالالىق ەكٸمدٸككە حات جازىپ, كٶمەك بەرۋدٸ سۇراعان.
«زەينەتكەر كٶرشٸمٸز 30 جاستاعى ۇلىمەن تۇرادى. كٶرشٸمٸز كٶشەدەگٸ قوقىستى 13 جىلدان بەرٸ پەتەرٸنە تاسىپ كەلەدٸ. قوقىستىڭ ساسىعان يٸسٸ كٸرەبەرٸستەن شىعادى. دەمالۋ مٷمكٸن ەمەس. «ارناۋلىاۆتوبازا» جشس-نٸڭ قىزمەتكەرلەرٸ كٶرشٸمٸزدٸڭ پەتەرٸنەن توت باسقان تەمٸرلەر, توزعان كيٸمدەر مەن 4 گاز باللونىن شىعاردى» - دەيدٸ كٶرشٸسٸ ۆالەنتينا سۋحوتەپلايا.
ونىڭ ايتۋىنشا, پەتەرٸنە قوقىس جيناعان زەينەتكەردٸڭ اناسى ۇقىپتى, تازالىقتى جانى سٷيەتٸن ادام بولعان. سول كٸسٸ ٶمٸردەن ٶتكەن سوڭ زەينەتكەر كٶرشٸسٸ قوقىس جيناۋدى باستاعان.
اتىراۋ قالالىق تۇرعىن ٷي ينسپەكتسيياسىنىڭ مامانى امان لاتيپوۆتىڭ پٸكٸرٸنە سٷيەنسەك, پەتەرگە زالالسىزداندىرۋ جٷرگٸزۋ كٶزدەلگەن.
