Atyraýda virýsqa qarsy jáne dene qyzýyn túsiretin dáriler satylymnan alynbaǵan, dep habarlaidy "Ult aqparat".
Buǵan deiin WhatsApp messenjerinde virýsqa qarsy jáne dene qyzýyn túsiretin túrli preperat dárihanalardan alynyp jatyr degen aqparat taraǵan.
Bul derekti oblystyq densaýlyq basqarmasy meditsinalyq kómekti uiymdastyrý jáne litsenziialaý bóliminiń basshysy Nina Ospanova joqqa shyǵardy.
«Áleýmettik jelide taraǵan aqparat jalǵan. Kerisinshe, óńirlerde koronavirýs infektsiiasynyń kún sanap kóbeiýine bailanysty indettiń aldyn alý sharalaryn qatańdatý kezinde dárilik qordy qaita qaraý, tolyqtyrý jumysy júrgizilýde», -deidi Nina Ospanova.
Onyń málim etýinshe, qazir oblysta eki aiǵa jetetin jeke qorǵanysh quraldary men dárilik zattardyń qory saqtaýly tur.
Sondai-aq, ambýlatoriialyq jaǵdaida em qabyldaýǵa arnalǵan 189 myńǵa jýyq virýsqa qarsy meditsinalyq preparat, infektsiialyq statsionarlarda 1 millionǵa jýyq dári bar.
