Atyraýda vaktsina saldyrǵan 6 adamnyń árqaisysy 1 mln teńgeni utyp aldy, dep habarlaidy QazAqparat.
Buǵan deiin Atyraýda vaktsina alǵandar arasynda júlde qory 40 mln teńgelik utys oiyny bastalyp, «Azamattyq Alians» zańdy tulǵalar birlestigi «Vaktsina al da, aqshalai syilyqqa ie bol» aktsiiasynyń birneshe kezeńin ótkizgen edi.
Al, búgin, 6 qyrkúiekte 6 mln teńgeniń utys oiyny ótti.
Kezekti utys oiynyna vaktsina saldyrǵan 87 252 adam qatysty.
Kezdeisoq sandardy tańdaý arqyly jergilikti telearnanyń tikelei efirinde ótken aqshalai utys oiynyn táýelsiz baqylaýshylar qadaǵalap otyrdy.
«Utys oiynynyń nátijesinde Jylyoi aýdanynyń turǵyndary Mereke Dúzelgenov, Ádilbek Qamidolla, Qurmanǵazy aýdanynan Altyn Sársenova, Atyraý qalasynda turatyn Jomart Jumabekov, Gúlnaz Dostanova, Aiman Ábieva jeńimpaz atanyp, árqaisysy 1 mln teńgeniń sertifikatyn ielendi», -dep habarlady «Azamattyq Alians» zańdy tulǵalar birlestiginen.
