اتىراۋدا ۆاكتسينا سالدىرعان 6 ادامنىڭ ەرقايسىسى 1 ملن تەڭگەنٸ ۇتىپ الدى, دەپ حابارلايدى قازاقپارات.
بۇعان دەيٸن اتىراۋدا ۆاكتسينا العاندار اراسىندا جٷلدە قورى 40 ملن تەڭگەلٸك ۇتىس ويىنى باستالىپ, «ازاماتتىق اليانس» زاڭدى تۇلعالار بٸرلەستٸگٸ «ۆاكتسينا ال دا, اقشالاي سىيلىققا يە بول» اكتسيياسىنىڭ بٸرنەشە كەزەڭٸن ٶتكٸزگەن ەدٸ.
ال, بٷگٸن, 6 قىركٷيەكتە 6 ملن تەڭگەنٸڭ ۇتىس ويىنى ٶتتٸ.
كەزەكتٸ ۇتىس ويىنىنا ۆاكتسينا سالدىرعان 87 252 ادام قاتىستى.
كەزدەيسوق سانداردى تاڭداۋ ارقىلى جەرگٸلٸكتٸ تەلەارنانىڭ تٸكەلەي ەفيرٸندە ٶتكەن اقشالاي ۇتىس ويىنىن تەۋەلسٸز باقىلاۋشىلار قاداعالاپ وتىردى.
«ۇتىس ويىنىنىڭ نەتيجەسٸندە جىلىوي اۋدانىنىڭ تۇرعىندارى مەرەكە دٷزەلگەنوۆ, ەدٸلبەك قاميدوللا, قۇرمانعازى اۋدانىنان التىن سەرسەنوۆا, اتىراۋ قالاسىندا تۇراتىن جومارت جۇمابەكوۆ, گٷلناز دوستانوۆا, ايمان ەبيەۆا جەڭٸمپاز اتانىپ, ەرقايسىسى 1 ملن تەڭگەنٸڭ سەرتيفيكاتىن يەلەندٸ», -دەپ حابارلادى «ازاماتتىق اليانس» زاڭدى تۇلعالار بٸرلەستٸگٸنەن.
