Foto: Mýhtor Holdorbekov/Kazinform
Atyraý prokýrorlary jyl basynan beri 200-den astam jasóspirimniń quqyǵyn qorǵady. Úiden oqityn 7 múgedek balaǵa járdemaqy tólengen, dep habarlaidy oblystyq prokýratýranyń baspasóz qyzmeti.
Atyraý oblysy prokýratýrasynyń málimetinshe, kámeletke tolmaǵandardyń quqyqtary men zańdy múddelerin qorǵaýǵa basymdyq berilip otyr.
– Jyl basynan beri Atyraý qalasynyń prokýratýrasy 200-den astam balanyń quqyqtaryn qorǵady. Jergilikti atqarýshy organdar men politsiianyń 24 qyzmetkeri tártiptik jaýaptylyqqa tartyldy. Politsiia qyzmetkerleri kámelet jasyna tolmaǵandarǵa qatysty qorǵaýshynyń qatysýynsyz ákimshilik hattamalar jasaqtaǵan. Prokýratýranyń narazylyǵy negizinde 197 hattamanyń kúshi joiyldy, - dep habarlady oblystyq prokýratýradan.
Sondai-aq prokýratýranyń qadaǵalaýynyń nátijesinde jetim jáne múgedektigi bar balalardyń konstitýtsiialyq quqyqtary qorǵalǵan.
– Úiden oqityn múgedek balalarǵa járdemaqy tólenbegen. Zańmen belgilengen normalarǵa sáikes jetim balalardy memlekettik turǵyn úi qorynan beriletin úi kezegine qoimaǵany týraly derekter anyqtalyp otyr. Prokýrorlyq qadaǵalaý aktileri negizinde 3 jetim bala turǵyn úi alý kezegine turǵyzyldy. Úiden oqityn 7 múgedektigi bar balaǵa járdemaqy tólendi, -dep málim etti oblystyq prokýratýradan.
Qadaǵalaý organynyń qyzmetkerleri teris mazmundy jáne óz-ózine qol jumsaý, esirtki quraldaryn nasihattaityn 85-ten astam ziiandy internet-saitty, chattar men áleýmettik jelidegi paraqshalardy buǵattady.
