Foto: gov.kz
Atyraý qalasynyń prokýratýrasy qurylys salýshylardyń zańsyz qyzmetin toqtatty, - dep habarlaidy "Ult aqparat".
Vedomstvo málimetinshe, Atyraý oblysynda «Nazik group» JShS jáne «Andorra Konstrakshn» JShS quryltaishylaryna qatysty sotqa deiingi tergep-tekserý bastaldy. Olar turǵyn úidiń úlestik qurylysyna 650 mln teńge salǵan 30-dan astam azamattyń qarajatyn zańsyz iemdendi degen kúdikke ilingen.
Resmi derekke súiensek, úleskerler kúdiktilerdiń kesirinen baspanalaryn eki jyl boiy ala almaǵan.
"Atalǵan seriktestikterdiń quryltaishylary sottyń sanktsiiasymen qamaýǵa alyndy.
Qazaqstan Respýblikasynyń Qylmystyq-protsestik kodeksiniń 201-babyna sáikes tergeý múddesinde ózge aqparat jariia etilýge jatpaidy" - delingen habarlamada.
Óz kezeginde oblys prokýratýrasy «árbir azamat qyraǵylyq tanytýy tiis ekenin jáne obektivti habardar bolý úshin jergilikti atqarýshy organdardyń qurylys bólimine nemese basqarmasyna júginý qajet» ekenin atap ótti.
