Atyraýda 5 jasar bala tisin jutyp qoiyp, tunshyǵyp qalǵan, dep habarlaidy "Ult aqparat" "Aq Jaiyq" basylymyna silteme jasap.
11 maýsym 19:23-te "103" pýltine balanyń tunshyǵyp jatqany týraly qońyraý túsken. Jedel járdem bes minýt ishinde keldi. Jedel járdem kelgen kezde 5 jasar balada klinikalyq ólim tirkelgen.
"Balanyń tamyry soqpai, tynys almaǵan. Ákesiniń aitýynsha, 10 minýt buryn onyń astyńǵy aldyńǵy tisi túsip, bala abaisyzda ony jutyp qoiǵan. Jedel járdem kelgenshe ákem óz betinshe júrek massajyn jasady, biraq nátije bolmady. Feldsherler Meiramgúl Qurmasheva men Aibek Jeńisov reanimatsiialyq sharalardy bastap, barlyq qural-jabdyqtardy daiyndap, júrek-ókpe reanimatsiiasyna kiristi, 3 tsiklden keiin bala tynys ala bastady", – dedi Atyraý oblystyq densaýlyq saqtaý basqarmasynyń baspasóz hatshysy Áigerim Sabyrova.
Alaida reanimatsiiadan keiin balada klinikalyq ólim belgileri baiqalyp, júrek-ókpe reanimatsiiasy jalǵasty. Aýrýhanaǵa kelgenge deiin jedel járdem kóliginde balanyń úsh ret júregi soqpai qalǵan. Biraq ár kez saiyn reanimatsiia jasalǵan. Bala Atyraý oblystyq balalar aýrýhanasyna jetkizildi, qazir reanimatsiiada.
