Atyraýdaǵy Mahambet atyndaǵy akademiialyq qazaq drama teatrynyń aldyna óner tarlandary Sabira Maiqanova, Nurmuhan Jantórin, Hadisha Bókeeva jáne Asanáli Áshimovke arnalǵan kompozitsiia ashyldy, dep habarlaidy "Ult aqparat".
Saltanatty sharaǵa teatr jáne kino akteri, KSRO halyq ártisi, Qazaqstannyń Eńbek Eri Asanáli Áshimov jáne ózge ziialy qaýym ókilderi qatysty.
«Bul – sáýlet óneriniń úlgisi ǵana emes, mádeniet pen ónerge, onyń ókilderine, aǵa urpaqqa kórsetilgen qurmet. Kez-kelgen el úshin rýhaniiattyń orny bólek. Óskeleń urpaqty óner ielerin qurmetteýge úndeitin týyndy» - dedi oblys ákiminiń orynbasary Baqytgúl Hamenova.
Kompozitsiialyq eskertkishtiń lentasyn KSRO halyq ártisi, Qazaqstannyń Eńbek Eri Asanáli Áshimov pen aqyn, Mahambet jáne Tólegen Aibergenov atyndaǵy syilyqtardyń laýreaty Svetqali Nurjan qidy.
