Atyraýda Mahambet atyndaǵy akademiialyq qazaq drama teatrynyń aldyna Qazaqstannyń Eńbek Eri Asanáli Áshimovtiń, KSRO halyq ártisteri Hadisha Bókeeva men Sábira Maiqanovanyń, Qazaq KSR halyq ártisi Nurmuhan Jantórinniń kompozitsiialyq eskertkishi qoiyldy, dep habarlaidy "Ult aqparat".
Teatr direktory Berik Jámenovtiń aitýynsha, ashyq alańdaǵy kompozitsiia «Shyǵarmashylyq áńgime» dep atalady. Bul kompozitsiiany almatylyq sklýptor Gúlfiia Meldesh jasaǵan.
«Biz halyq ártisteriniń atyn el esinde saqtaýymyz qajet. Óitkeni, olar – otandyq kinematografiia men teatr óneriniń bastaýynda turǵan qaitalanbas óner tarlandary. Olardy aǵa býyn jaqsy biledi. Alaida, keiingi býyn úshin olardyń eńbegi tarihqa ainalyp barady», - deidi Berik Jámenov.
Bul kompozitsiiany ornatý ideiasy ótken jyly týyndaǵan. Ideiany iske asyrý úshin Atyraýda qoiylǵan birneshe skýlptorlyq músinniń avtory Gúlfiia Meldeshke usynys jasalǵan.
