اتىراۋدا ماحامبەت اتىنداعى اكادەمييالىق قازاق دراما تەاترىنىڭ الدىنا قازاقستاننىڭ ەڭبەك ەرٸ اسانەلٸ ەشٸموۆتٸڭ, كسرو حالىق ەرتٸستەرٸ حاديشا بٶكەەۆا مەن سەبيرا مايقانوۆانىڭ, قازاق كسر حالىق ەرتٸسٸ نۇرمۇحان جانتٶريننٸڭ كومپوزيتسييالىق ەسكەرتكٸشٸ قويىلدى, دەپ حابارلايدى "ۇلت اقپارات".
تەاتر ديرەكتورى بەرٸك جەمەنوۆتٸڭ ايتۋىنشا, اشىق الاڭداعى كومپوزيتسييا «شىعارماشىلىق ەڭگٸمە» دەپ اتالادى. بۇل كومپوزيتسييانى الماتىلىق سكلۋپتور گٷلفييا مەلدەش جاساعان.
«بٸز حالىق ەرتٸستەرٸنٸڭ اتىن ەل ەسٸندە ساقتاۋىمىز قاجەت. ٶيتكەنٸ, ولار – وتاندىق كينەماتوگرافييا مەن تەاتر ٶنەرٸنٸڭ باستاۋىندا تۇرعان قايتالانباس ٶنەر تارلاندارى. ولاردى اعا بۋىن جاقسى بٸلەدٸ. الايدا, كەيٸنگٸ بۋىن ٷشٸن ولاردىڭ ەڭبەگٸ تاريحقا اينالىپ بارادى», - دەيدٸ بەرٸك جەمەنوۆ.
بۇل كومپوزيتسييانى ورناتۋ يدەياسى ٶتكەن جىلى تۋىنداعان. يدەيانى ٸسكە اسىرۋ ٷشٸن اتىراۋدا قويىلعان بٸرنەشە سكۋلپتورلىق مٷسٸننٸڭ اۆتورى گٷلفييا مەلدەشكە ۇسىنىس جاسالعان.
