2020 jylǵy 9-13 shilde aralyǵynda QR QM Qarjy monitoringi komitetiniń Atyraý oblysy boiynsha Ekonomikalyq tergeý departamentiniń (ETD) qyzmetkerleri dárilik preparattar men jeke qorǵaný quraldaryn zańsyz satýdyń 3 faktisiniń jolyn kesti, - dep habarlaidy atalǵan departamenttiń baspasóz qyzmeti.
Oblystyq politsiia departamentiniń qyzmetkerlerimen birlesip, jedel-izdestirý is-sharalaryn júrgizý barysynda ETD qyzmetkerleri dárilik zattardy joǵary baǵamen jáne ruqsat qujattarynsyz (litsenziiasyz) satýdyń 2 faktisin anyqtady.
Dári-dármekterdi zańsyz satýdy Atyraý qalasynyń eki turǵyny júzege asyrǵan. Olardan 400-den astam býma, 50 flakon jáne ampýla tapshy preparattar (paratsetamol, deksametazon, lidokain, tseftriakson, azitromitsin, atsetilsalitsil qyshqyly, metronidazol) tárkilenip alyndy.
Atalǵan dárilik zattar Atyraý oblysy ákimdiginiń densaýlyq saqtaý basqarmasyna tapsyryldy.
Oǵan qosa, ETD qyzmetkerleri Politsiia departamentimen birlesip, tekseris barysynda taǵy 137 500 meditsinalyq maskany tárkiledi.
Aiypty tulǵalardyń áreketterinde QR ÁQBtK-niń 424-baby («Zańsyz meditsinalyq jáne (nemese) farmatsevtikalyq qyzmet») jáne 426-babynda («Farmatsevtikalyq qyzmettiń jáne dárilik zattar men meditsinalyq buiymdardyń ainalysy salasynyń qaǵidalaryn buzý») kózdelgen ákimshilik quqyqbuzýshylyq belgileri bar. Is materialdary atalǵan tulǵalardy ákimshilik jaýapqa tartý úshin ókiletti organǵa joldandy.
Qurmetti azamattar!
Eger Sizge dárilik preparattardy joǵary baǵamen satýdy júzege asyratyn farmatsevtikalyq qyzmet sýbektileriniń (dárihanalardyń) quqyqqa qarsy is - áreket faktileri týraly belgili bolsa, Komitettiń – 8 (7172) 70-84-78, Departamenttiń – 8 (7122) 35-42-10 senim telefondary arqyly habarlaýyńyzdy suraimyz»,-delingen QR Qarjy ministrligi Qarjy monitoringi komitetiniń baspasóz qyzmetiniń málimetterinde.
