Atyraý qalasyndaǵy sýburqaqtar qurylysyn júrgizgen merdigerge qatysty biýdjet qarajatyn jymqyrý deregi boiynsha sotqa deiingi tergep-tekserý júrgizilýde, dep habarlaidy "Ult aqparat".
Atyraý qalalyq ákimdigi baspasóz qyzmetiniń málimetinshe, 2018 jyly 9 sýburqaq qurylysynyń jobasy ázirlengen. Tapsyrys berýshi – qalalyq qurylys bólimi, al, merdiger «Eńbek» RMK. Qurylys jumystaryn júrgizý úshin kelisimshart 2019 jylǵy 23 mamyrda jasalǵan.
«Jobaǵa sáikes, sýburqaqtar qurylysy Balyqshy kentindegi A.Qunanbaev kóshesinde, Qurmanǵazy atyndaǵy, Q.Smaǵulov atyndaǵy skverde, Qurmanǵazy atyndaǵy mádeniet úii ǵimaratynyń aldynda, Avangard shaǵyn aýdanyndaǵy Jeńis saiabaǵynda, Sátpaev kóshesinde ornalasqan D.Nurpeiisova atyndaǵy mýzykalyq akademiia ǵimaratynyń aldynda júrgiziledi. Byltyr, 2020 jyldyń mamyr aiynda sybailas jemqorlyqqa qarsy qyzmet merdigerdiń biýdjet qarajatyn jymqyrý faktileri boiynsha sotqa deiingi tergep-tekserýdi bastady. Sonyń saldarynan qurylys toqtatyldy» - dep habarlady ákimdiktiń baspasóz qyzmeti.
Belgili bolǵandai, kelisimsharttyń jalpy somasy 1 092 482 277,60 teńgeni quraǵan. Al, oryndalǵan jumystar aktisine sáikes 2019 jyly merdiger mekemege 816 070 000 teńge aýdarylǵan.
«Búginde aqaý tizimdemesi toltyrylýda. Sonyń negizinde tehnikalyq tekserý júrgiziledi. Qorytyndy alynǵannan keiin qurylysty jalǵastyrý úshin jobalyq-smetalyq qujattama ázirlenedi. Merdiger uiym oryndalmaǵan jumystardyń qunyna sáikes memlekettik satyp alý boiynsha ótkiziletin konkýrsta anyqtalady. Sýburqaqtardy qaita jańartý tehnikalyq tekserýden keiin kelisimsharttaǵy qalǵan qarjyny jumsaý arqyly aiaqtalady», - dep málim etti ákimdiktiń baspasóz qyzmetinen.
