Kollaj: Tengrinews.kz
Atyraýda bloger politseilerdiń kózinshe dáret syndyryp, osy áreketi úshin bes táýlikke qamaýǵa alyndy, - dep habarlaidy Tengrinews.kz saity.
Oqiǵa 21 naýryz kúni qalalyq politsiia bóliminiń mańynda bolǵan. Tártip saqshylary bloger Qadyrbai Muhanbetjannyń kóligin áinekteri qarańǵylanǵan degen negizde toqtatqan. Tekserý barysynda bul fakt rastalmady, biraq júrgizýshi basqa zańbuzýshylyqtar úshin jaýapkershilikke tartyldy.
"Mende saqtandyrý polisi jáne tehnikalyq baiqaýdan ótý qujaty bolmady, sebebi bul kólik ákeme satyp alynǵan, men qujattardy retke keltirýdi umytyp ketippin. Bul meni jaýapkershilikten bosatpaidy, moiyndaimyn. Toltyrylǵan hattamalarmen kelisip, bir apta ishinde 50 paiyz jeńildikpen aiyppuldy tóleýge kelisim berdim. Biraq meni taǵy bir nárse ashýlandyrdy: politsiia meni bir saǵattai evakýator kútýge májbúr etti. Osy ýaqyt ishinde men ájethanaǵa barǵym keldi. Olar meni jibermei qoidy, ketsem, bap boiynsha qamaýǵa alar edi. Men olarǵa jalynýǵa májbúr boldym. Biraq olar múlde nemquraidyq tanytty, janashyrlyq tanytpady.
Evakýatordy jarty saǵat kútken soń, men olardyń bireýin menimen jaqyn mańdaǵy qonaqúige barýǵa kóndirdim. Biraq ǵimaratta eshkim bolmady, ol jerden ketip qaldyq. Sodan keiin biz kólikke oraldyq, biraq áli evakýator kelmepti. Sosyn men olardan qyzmettik kóligimen politsiia bólimshesine jetkizýdi ótindim. Olar bas tartty. Sodan shydai almai, shalbaryma sidim. Dálel retinde belbeýimdi sheship, olarǵa kórsettim. Sol úshin bes táýlikke qamaýǵa alyndym", - dedi bloger.
Ol kóp kútken evakýatordyń jeke tasymaldaýshy bolyp shyqqanyn, politsiianyń arnaiy tehnikasyna uqsamaitynyn aitty.
Osy jaitqa bailanysty Atyraý oblystyq Politsiia departamenti de pikir bildirdi.
"Er adamnyń qoǵamdyq orynda dáret syndyrǵany tekserildi. Oqiǵa 21 naýryzda saǵat 18:00 shamasynda boldy. Jol qozǵalysyna qatysty quqyq buzýshylyqtarǵa bailanysty júrgizýshige qatysty hattama toltyryldy.
Kólikti arnaiy turaqqa aparý kezinde júrgizýshi dárethanaǵa barǵysy keletinin aitqan. Patrýldik politsiia batalonynyń qyzmetkeri júrgizýshini aialdama mańynda ornalasqan qonaqúige shaqyrǵan. Alaida júrgizýshi qonaqúige kirgennen keiin dárethanaǵa kirýden bas tartty. Keiin er adam dáret syndyryp, qoǵamdyq orynda kiimin sheshe bastaǵan", - dedi oblystyq PD baspasóz qyzmeti ókilderi.
Tártip saqshylary júrgizýshige qatysty Ákimshilik quqyq buzýshylyq týraly kodekstiń 434, 230 jáne 590-baptary boiynsha úsh hattama toltyrylǵanyn qosty. Sot sheshimi boiynsha ol bes táýlikke ákimshilik qamaqqa alyndy.
