Atyraýda Rfizer vaktsinasyn mektep ashanasyndaǵy sýsyndar men tamaqqa qosady degen jalǵan aqparat taraǵan, dep habarlaidy QazAqparat.
Atyraý oblystyq densaýlyq saqtaý basqarmasy baspasóz qyzmetinen málim etkendei, áleýmettik jelide jalǵan aqparat taratylyp otyr. Ata-analardyń chattarynda «Mektep ashanalaryndaǵy tamaq pen sýsyndarǵa Pfizer vaktsinasy qosylýda. Vaktsina qosylǵan tamaqty qabyldaǵan balalarda qaýipti aýrýdyń belgileri, iaǵni, júrek ainý jáne qusý baiqalýda» delingen.
«WhatsApp jelisinde dybystyq habarlama taratqan belgisiz áiel Pfizer vaktsinasy balalarǵa muryn tamshylary arqyly da engizilýde dep málimdegen. Bul aqparat shyndyqqa janaspaidy. Sebebi, Pfizer kompaniiasy óndirip otyrǵan Komirnati vaktsinasynyń ár qutysy 6 adamǵa arnalǵan. Vaktsinalar meditsinalyq oryndarda arnaiy muzdatqyshta saqtalýda. Bul vaktsina 12 jastan 18 jasqa deiingi jasóspirimderge ata-analardyń kelisimimen iyqqa salynady. Vaktsinanyń muryn tamshylary men sprei túrindegi balamalary joq. Jalǵan jáne dáieksiz aqparat taratýshylarǵa QR Qylmystyq kodeksiniń 274-babyna sáikes jaza kózdelgen. Quqyq buzýshyny izdeý úshin barlyq qajetti shara qabyldanady» - dep habarlady basqarmasynyń baspasóz qyzmeti.
