Atyraý oblysynda ýaqytsha ustaý izoliatoryndaǵy politsiia qyzmetkerine kúsh qoldanǵan azamat 3 jylǵa bas bostandyǵynan aiyryldy, dep habarlaidy ult.kz.
Sot materialdaryna sáikes, tekserý kezinde eki politsiia qyzmetkeri er adamǵa tyiym salynǵan zattardyń bar-joǵyn anyqtaý úshin onyń jeke zattaryn teksermek bolǵan. Alaida bul áreket oǵan unamai, arada janjal týyndaǵan.
Er adam aldymen politseilerdiń birin eki qolymen keýdesinen itergen. Qyzmetkerler oǵan qolkisen taǵýǵa áreket jasaǵan kezde qarsylyq kórsetip, serjantty basymen tórt ret urǵan.
Saldarynan politseidiń sol kóziniń mańynda kógerý jáne sol qolynda jaraqat paida bolǵan. Saraptama bul jaraqattardyń densaýlyqqa qysqa merzimdi ziian keltirmegenin anyqtaǵan.
Keiin sottalýshy kinásin tolyq moiyndap, qolkisen taǵýǵa áreket jasalǵan kezde ashýlanǵanyn aitqan. Ol politseiden keshirim surap, jeńil jaza taǵaiyndaýdy ótingen. Jábirlenýshi taraptyń sottalýshyǵa shaǵymy bolmaǵan.
Alaida janjal kezinde er adamnyń burynǵy sottylyǵynyń merzimi áli ótelmegeni eskerilgen.
Sot ony qoǵamnan oqshaýlaý mekemesiniń qyzmetkerine kúsh qoldanǵany úshin kináli dep tanyp, 3 jylǵa bas bostandyǵynan aiyrý jazasyn taǵaiyndady.
Ol jazasyn ortasha qaýipsizdik deńgeiindegi qylmystyq-atqarý júiesi mekemesinde óteidi.
