Atyraýda 15 mamyrda er adam kóliginen túsip, qara tústi qoqys salatyn qapty sýǵa laqtyryp jibergen. Keiin qapta súiek bolǵany anyqtaldy, - dep habarlaidy Tengrinews.kz.
Oqiǵa saǵat 21:00-de qaladaǵy Mechnikov kópirinde bolǵan. Bul áreketi Atyraý qalasy politsiia basqarmasy jedel basqarý ortalyǵynyń beinebaqylaý kamerasyna túsip qalǵan.
"Tártip saqshylary atalǵan azamatty dereý anyqtap, oǵan qatysty QR ÁQBtK-niń 434-2-baby 1-bólimimen "Ortaq paidalanylatyn oryndardy lastaý" ákimshilik hattama toltyrdy. 1977 jylǵy er adam qara tústi qoqys salatyn qapqa sadaqadan shyqqan súiek qaldyqtaryn salǵanyn aitty", - deidi Atyraý PB baspasóz qyzmetindegiler.
