Atyraý oblysynda órtten úsh balanyń qaza tabýyna bailanysty sotqa deiingi tergeý bastaldy, dep habarlaidy QazAqparat.
Buǵan deiin Atyraý oblysynda pishen órtenip, oqiǵa ornynda úsh balanyń denesi tabylǵany habarlanǵan edi.
Keshe, 5 qazanda keshki saǵat 19:27 Mahambet aýdanynyń Ortaqshyl aýylyndaǵy turǵyn úidiń jeke aýlasyna jinalǵan 22 orama shóp órttengen.
«Oqiaǵa ornyna aýdandyq №11 órt sóndirý bóliminiń órt sóndirýshiler saǵat 19:45-te jetti. Órt túngi saǵat 23:07-de sóndirildi. Alaida, 6 qazan saǵat 00:02-de Mahambet aýdandyq politsiia bóliminen Ortaqshyl aýylynda kámeletke tolmaǵan 3 balanyń balanyń joǵalǵany týraly habar túsken» dep málim etti tótenshe jaǵdailar departamentiniń baspasóz qyzmeti.
Joǵalǵan 2014 jylǵy - eki, 2012 jylǵy bir balanyń denesi órtengen shóptiń arasynan tabylǵan.
«Qazir sot-meditsinalyq saraptama taǵaiyndaldy. Atalǵan derekke qatysty Qylmystyq kodekstiń 292-babymen (órt qaýipsizdigi talaptaryn buzý) sotqa deiingi tergeý bastaldy» -dep habarlady oblystyq politsiia departamentiniń baspasóz qyzmeti.
