اتىراۋدا ٶرتتەن كٶز جۇمعان ٷش بالا: سوتقا دەيٸنگٸ تەرگەۋ باستالدى

اتىراۋ وبلىسىندا ٶرتتەن ٷش بالانىڭ قازا تابۋىنا بايلانىستى سوتقا دەيٸنگٸ تەرگەۋ باستالدى, دەپ حابارلايدى قازاقپارات.

بۇعان دەيٸن اتىراۋ وبلىسىندا پٸشەن ٶرتەنٸپ, وقيعا ورنىندا ٷش بالانىڭ دەنەسٸ تابىلعانى حابارلانعان ەدٸ. 

كەشە, 5 قازاندا كەشكٸ ساعات 19:27 ماحامبەت اۋدانىنىڭ ورتاقشىل اۋىلىنداعى تۇرعىن ٷيدٸڭ جەكە اۋلاسىنا جينالعان 22 وراما شٶپ ٶرتتەنگەن. 

«وقياعا ورنىنا اۋداندىق №11 ٶرت سٶندٸرۋ بٶلٸمٸنٸڭ ٶرت سٶندٸرۋشٸلەر ساعات 19:45-تە جەتتٸ. ٶرت تٷنگٸ ساعات 23:07-دە سٶندٸرٸلدٸ. الايدا, 6 قازان ساعات 00:02-دە ماحامبەت اۋداندىق پوليتسييا بٶلٸمٸنەن ورتاقشىل اۋىلىندا كەمەلەتكە تولماعان 3 بالانىڭ بالانىڭ جوعالعانى تۋرالى حابار تٷسكەن» دەپ مەلٸم ەتتٸ تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.

جوعالعان 2014 جىلعى - ەكٸ, 2012 جىلعى بٸر بالانىڭ دەنەسٸ ٶرتەنگەن شٶپتٸڭ اراسىنان تابىلعان. 

«قازٸر سوت-مەديتسينالىق ساراپتاما تاعايىندالدى. اتالعان دەرەككە قاتىستى قىلمىستىق كودەكستٸڭ 292-بابىمەن (ٶرت قاۋٸپسٸزدٸگٸ تالاپتارىن بۇزۋ) سوتقا دەيٸنگٸ تەرگەۋ باستالدى» -دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.