Foto: Shutterstock.com
Atyraýda orta mektep direktorynan týberkýlez derti anyqtaldy, dep habarlaidy QazAqparat.
Atyraý qalalyq bilim bóliminiń málimetine qaraǵanda, bul týraly keshe, 18 qańtarda oblystyq sanitariialyq-epidemiologiialyq qadaǵalaý departamentinen anyqtama kelgen.
«Qazir týberkýlez dertine shaldyqqan mektep direktory densaýlyǵyna bailanysty jumysynan shettetildi. Mektep direktorymen jumys babynda qarym-qatynasta bolǵan qyzmetkerler meditsinalyq tekserýden ótkiziledi. Mektep ǵimaratyna tiisti sanitariialyq is-sharalary júrgizilip jatyr», -dep habarlady Atyraý qalalyq bilim bóliminen.
Atyraý oblysynyń oqýshylary 200 mektepte dáris alady. Onyń ishinde 199 memlekettik, 11 jeke menshik, qazaq tilinde 138, orys tilinde 4, aralas 58 mektep pen 1 keshki-aýysymdyq bólimshe bar.
Demografiialyq kórsetkishtiń qarqyndy ósýiniń nátijesinde bilim alýshylar kontingentiniń ósimi baiqalyp otyr. Máselen, 2015 jyly 109 392 oqýshy bilim alsa, qazir onyń sany 143 481-ge jetken.
Al, ótken oqý jylynda Atyraý mektepterinde zeinettegi 253 muǵalim jumys istegen.
