Atyraýda #Bizbirgemiz qaiyrymdylyq aktsiiasy aiasynda NCOC kompaniiasy №2 oblystyq aýrýhanaǵa 1 milliard teńgeniń jabdyǵyn syilady, dep habarlaidy "Ult aqparat".
Kompaniia baspasóz qyzmetiniń habarlaýynsha, osy aptada NCOC №2 oblystyq aýrýhanasynyń qarqyndy terapiia bólimine qosymsha meditsinalyq qural-jabdyqtar, onyń ishinde ókpeni jasandy jeldetý apparattaryn, jeke saqtaný quraldaryn, sonymen qatar, Atyraý óńiriniń ózge de meditsina mekemelerine antibiotikterdi, infýziialyq eritindilerdi, zararsyzdandyrý quraldaryn tabystaǵan. Sondai-aq, NCOC kompaniiasynyń arnaiy shaqyrtýymen kelgen ulybritaniialyq dáriger atyraýlyq meditsina qyzmetkerlerine COVID-19 koronavirýs infektsiiasyn juqtyryp alǵan naýqastardy qarqyndy terapiiamen emdeý boiynsha turaqty oqytý kýrstary men seminarlar ótkizip, keńes berýde.
Buǵan deiin NCOC aýrýhanaǵa jalpy quny 1 milliard teńgege jýyq qarjyǵa ókpeni jasandy jeldetý apparattaryn, shyǵyn materialdaryn, ózge de qarqyndy terapiia jabdyǵyn alyp bergen edi.
«Biz osyndai sharalardy aldaǵy ýaqytta da jalǵastyramyz. Jaqyn arada Atyraý jáne Mańǵystaý oblystarynyń meditsina qyzmetkerleri úshin meditsinalyq qural-jabdyq pen jeke saqtaný quraldarynyń taǵy bir partiiasynyń jetkizilýin kútýdemiz» -deidi NCOC kompaniiasynyń basqarýshy direktory Richard Hoýv.
