اتىراۋدا #Bizbirgemiz قايىرىمدىلىق اكتسيياسى اياسىندا NCOC كومپانيياسى №2 وبلىستىق اۋرۋحاناعا 1 ميلليارد تەڭگەنٸڭ جابدىعىن سىيلادى, دەپ حابارلايدى "ۇلت اقپارات".
كومپانييا باسپاسٶز قىزمەتٸنٸڭ حابارلاۋىنشا, وسى اپتادا NCOC №2 وبلىستىق اۋرۋحاناسىنىڭ قارقىندى تەراپييا بٶلٸمٸنە قوسىمشا مەديتسينالىق قۇرال-جابدىقتار, ونىڭ ٸشٸندە ٶكپەنٸ جاساندى جەلدەتۋ اپپاراتتارىن, جەكە ساقتانۋ قۇرالدارىن, سونىمەن قاتار, اتىراۋ ٶڭٸرٸنٸڭ ٶزگە دە مەديتسينا مەكەمەلەرٸنە انتيبيوتيكتەردٸ, ينفۋزييالىق ەرٸتٸندٸلەردٸ, زارارسىزداندىرۋ قۇرالدارىن تابىستاعان. سونداي-اق, NCOC كومپانيياسىنىڭ ارنايى شاقىرتۋىمەن كەلگەن ۇلىبريتانييالىق دەرٸگەر اتىراۋلىق مەديتسينا قىزمەتكەرلەرٸنە COVID-19 كوروناۆيرۋس ينفەكتسيياسىن جۇقتىرىپ العان ناۋقاستاردى قارقىندى تەراپييامەن ەمدەۋ بويىنشا تۇراقتى وقىتۋ كۋرستارى مەن سەمينارلار ٶتكٸزٸپ, كەڭەس بەرۋدە.
بۇعان دەيٸن NCOC اۋرۋحاناعا جالپى قۇنى 1 ميلليارد تەڭگەگە جۋىق قارجىعا ٶكپەنٸ جاساندى جەلدەتۋ اپپاراتتارىن, شىعىن ماتەريالدارىن, ٶزگە دە قارقىندى تەراپييا جابدىعىن الىپ بەرگەن ەدٸ.
«بٸز وسىنداي شارالاردى الداعى ۋاقىتتا دا جالعاستىرامىز. جاقىن ارادا اتىراۋ جەنە ماڭعىستاۋ وبلىستارىنىڭ مەديتسينا قىزمەتكەرلەرٸ ٷشٸن مەديتسينالىق قۇرال-جابدىق پەن جەكە ساقتانۋ قۇرالدارىنىڭ تاعى بٸر پارتيياسىنىڭ جەتكٸزٸلۋٸن كٷتۋدەمٸز» -دەيدٸ NCOC كومپانيياسىنىڭ باسقارۋشى ديرەكتورى ريچارد حوۋۆ.
