Foto: Atyraý oblystyq TJ departamenti
Atyraýda munai qaldyǵy bar temirjol tsisternasy jarylyp, tseh qabyrǵasy qulady, dep habarlaidy Kazinform.
Oblystyq tótenshe jaǵdailar departamentiniń qoǵammen bailanys toby atalǵan derekti rastady.
«Búgin, 14 jeltoqsanda jergilikti ýaqytpen saǵat 13:58-de Atyraý qalasyndaǵy Ońtústik óndiristik aimaqta ornalasqan «Batys Petroleum» JShS-ne tiesili №1 tsehtyń jýý-býlaý stantsiiasynda jyljymaly temir jol quramyna tazalaý júrgizilgen. Sol kezde munai shlamynyń qaldyǵy bar tsisternada gaz-aýa qospasynyń dúmpýi bolǵan. Sonyń saldarynan tseh qurylymy ishinara qulaǵan. Jalynnyń tutanýyna bailanysty avtomatty órt sóndirý qurylǵysy iske qosylǵan. «Semser-Órt sóndirýshi» JShS órt sóndirý bólimsheleri órt sóndirý jumystaryn júrgizdi», - dedi departamenttiń qoǵammen bailanys toby.
Oqiǵa ornyna Atyraý oblystyq Tótenshe jaǵdailar departamentinen 48 qyzmetker men 5 tehnika, «Apattar meditsinasy» ortalyǵynan 3 qyzmetker, 1 tehnika, «Semser-Órt sóndirýshi» JShS-niń 5 qyzmetkeri men 1 tehnikasy jumyldyryldy.
Tótenshe jaǵdailar departamentiniń qyzmetkerleri barlaý jumystaryn júrgizdi. Eshkim zardap shekpegen.
