foto: 24tv.ua
Atyraýda jekemenshik mektepterdiń birinde 11-synyp oqýshysyna dene jaraqatyn keltirý deregi boiynsha qylmystyq is qozǵaldy, - dep habarlaidy oblystyq politsiia departamenti.
Qazir kúdikti anyqtaldy. Onyń zańdy ókilderiniń qatysýymen jaýap alý júrgizilgen, oqiǵanyń barlyq mán-jaiyn anyqtaý maqsatynda keshendi tergeý amaldary júrip jatyr.
Quqyq qorǵaý organdaryna der kezinde júginbegeni úshin synyp jetekshisi men mektep direktory boiynsha is materialdary Atyraý oblysynyń bilim berý sapasyn baqylaý departamentine joldandy.
"Quqyq buzǵan kámeletke tolmaǵan jasóspirim ishki ister organdarynyń esebine qoiyldy, al onyń isine qatysty jinalǵan materialdar kámeletke tolmaǵandar isi jónindegi komissiiada qaralady", – delingen habarlamada.
"Aq Jaiyq" basylymynyń málimetinshe, oqiǵa "Taǵylym" jekemenshik mektebinde bolǵan. Oqýshy qyzdyń ápkesiniń aitýynsha, qyz dárethanada basyn ýnitazǵa uryp, aýyr jaraqat alǵan.
Ápkesiniń sózinshe, mektep qyzmetkerleri qannyń izin jýyp, balalardan eshteńe aitpaýdy suraǵan. Mektep ákimshiligi qyz ben synyptastarynan úndemeýdi ótingenin, al jaraqat alǵan oqýshy bastapqyda otbasyna jai ǵana taiyp qulaǵanyn aitqan. Keiin qyz janjaldasý kezinde qatarlastary ony iterip jibergenin moiyndaǵan.
Týysynyń aitýynsha, oqiǵa bolǵan kúni mektep ata-analarmen bailanyspaǵan. Ne synyp jetekshi, ne ákimshilik bolǵan jait týraly jáne balanyń jaǵdaiy jóninde habarlamaǵan. Otbasy oqiǵa týraly tek keshkisin – synyptasynyń anasynan bilgen.
Atyraý oblysynyń bilim basqarmasy mektepte ishki qyzmettik tekseris bastalǵanyn habarlady. Vedomstvo málimetinshe, mektep qyzmetkerleri "durys ári jedel áreket etken".
Sondai-aq, basqarmada mektep qyzmetkerleri oqýshyǵa alǵashqy meditsinalyq kómek kórsetkenin jáne ony birden meditsinalyq tekseriske barýǵa úgittegenin málimdedi. Olardyń aitýynsha, qyz buǵan kelispei, travmpýnktke tek aǵasymen birge baratynyn aitqan.
