Atyraý oblysynyń Bas memlekettik sanitarlyq dárigeri Sadýaqas Baiǵabulov turǵyndardy kúmándi dárigerlerdiń qyzmetine júginbeýge shaqyrdy, dep habarlaidy "Ult aqparat".
«WatsApp» messendjerinde Atyraý qalasynda qytai meditsinasy týraly beinerolik taratyldy.
Bul beinerolikte dáriger antisanitarlyq jaǵdaida koronavirýsqa inektsiia jasaidy.
«Atyraý qalasynda koronovirýsty infektsiianyń simptomdaryn emdeý jáne aldyn-alý máselerimen ainalysatyn klinika anyqtaldy.
KVI (pnevmoniia) simptomdaryn emdeý úshin fenol eritindisin qoldaný arqyly invazivti emdeý ádisteri paidalanylady.
Protsedýralardy meditsinalyq bilimi joq adamdar júrgizgen. Klinika sondai-aq dástúrli emes meditsinamen (inemen emdeý, massaj) litsenziiasyz ainalysqan», - deidi aimaqtyń bas sanitarlyq dárigeri.
Tekserý barysynda klinikada jaramdylyq merzimi ótken dári-dármekter men Qytaida óndirilgen tirkelmegen dárilik preparattar tabyldy.
«Atalǵan faktiler boiynsha quqyq qorǵaý organdary tergeý sharalaryn júrgizýde», - deidi Sadýaqas Baiǵabulov.
